पुणे : ‘गरोदर स्त्रीने काय खावे आणि काय टाळावे, गर्भवतींना व्यायामाचा कसा फायदा होतो, गरोदरपणाच्या पहिल्या तीन महिन्यांत कशी काळजी घ्यावी, असे विविध प्रश्न गर्भवतींच्या मनात असतात. अशा सर्व शंकांचे निरसन करण्यासाठी ऑयस्टर अँड पर्ल (ओएनपी) रुग्णालयातर्फे एका खास सत्राचे आयोजन केले आहे. या सत्रासाठी गरोदर स्त्रियांना मोफत प्रवेश आहे,’ अशी माहिती रुग्णालयाच्या संचालिका व प्रसिद्ध बालरोगतज्ज्ञ डॉ. अमिता फडणीस यांनी दिली.
हे सत्र १६ जून २०१८ रोजी सायंकाळी चार ते सात या वेळेत कोथरुडमध्ये मयूर कॉलनी येथील अंबर हॉलमध्ये होणार आहे. यात डॉ. अमिता फडणीस यांच्यासह डॉ. मीनल मेहेंदळे, डॉ. सुप्रिया गुगळे, डॉ. गीता ठाकूर, डॉ. रेणुका सुरपुर, आहारतज्ज्ञ पल्लवी निगवेकर मार्गदर्शन करणार आहेत.
‘ओएनपी’ रुग्णालयातर्फे ‘वूम्ब’ (वेलनेस ऑफ मदर अँड बेबी) हा नवीन उपक्रम सुरू करण्यात आला आहे. त्याअंतर्गत शहराच्या विविध भागांत गर्भवतींसाठी मोफत सत्रांचे आयोजन केले जाते. या सत्रांमध्ये तज्ज्ञ डॉक्टर गरोदरपणातील काळजीबरोबरच व्यायाम, योग व प्राणायमचे महत्त्व, गर्भसंस्कार, गरोदरपणातील दंतोपचारांमध्ये घेण्याची काळजी, नवजात बाळाची काळजी, स्तनपान अशा विविध विषयांसंबंधी माहिती दिली जाते.
सत्राविषयी :दिवस : शनिवार, १६ जून २०१८
वेळ : सायंकाळी चार ते सात.
स्थळ : मयूर कॉलनी येथील अंबर हॉल, कोथरुड, पुणे.